ភ្នំពេញ ប្រទេសកម្ពុជា - ថ្ងៃទី 7 ខែមេសា ឆ្នាំ 2023 - ក្រុមហ៊ុន ព្រីនស៍ រៀល អ៊ីស្ទេត គ្រុប (PREG) មានមោទនភាពសូមប្រកាសថា ខ្លួនត្រូវបានទទួលស្គាល់សម្រាប់ស្នាដៃឆ្នើមក្នុងវិស័យអចលនទ្រព្យកម្ពុជា ដោយបានឈ្នះពានរង្វាន់ដ៏មានកិត្យានុភាពចំនួនបីនៅក្នុងកម្មវិធីពានរង្វាន់អចលនទ្រព្យកម្ពុជាប្រចាំឆ្នាំលើកទីបួន ( CREA) ដែលរៀបចំដោយ Realestate.com.kh ។ ពានរង្វាន់ទាំងនេះត្រូវបានប្រគល់ជូនក្នុងកម្មវិធីជប់លៀងដែលប្រារព្ធឡើងនៅកន្លែងដ៏មានកិត្យានុភាពក្នុងរាជធានីភ្នំពេញ កាលពីថ្ងៃទី7 ខែមេសា ឆ្នាំ2023។

CREA គឺជាព្រឹត្តិការណ៍ប្រចាំឆ្នាំដែលរៀបចំឡើងដើម្បីទទួលស្គាល់ និងអបអរសាទរនូវសមិទ្ធផលឆ្នើមក្នុងវិស័យអចលនទ្រព្យដែលកំពុងរីកចម្រើនយ៉ាងឆាប់រហ័សរបស់កម្ពុជា។ ពានរង្វាន់ត្រូវបានបែងចែកជាប្រភេទផ្សេងៗគ្នាក្នុងវិស័យអចលនទ្រព្យ រួមមាន ពានរង្វាន់ភ្នាក់ងារអចលនទ្រព្យ ពានរង្វាន់អ្នកអភិវឌ្ឍន៍/គម្រោងអចលនវត្ថុ និងពានរង្វាន់អចលនទ្រព្យ Hall of Fame ។

លោក Edward Lee នាយកប្រតិបត្តិ PREG ដែលបានឈ្នះពានរង្វាន់ Hall of Fame បាននិយាយថា "យើងមានកិត្តិយសណាស់ដែលបានឈ្នះពានរង្វាន់ចំនួនបីនៅ CREA ឆ្នាំនេះ ដែលជាសក្ខីភាពមួយចំពោះការប្តេជ្ញាចិត្តរបស់យើងចំពោះឧត្តមភាពក្នុងការអភិវឌ្ឍន៍អចលនទ្រព្យ"។ "ពានរង្វាន់ទាំងនេះជាការទទួលស្គាល់ចំពោះការខិតខំប្រឹងប្រែង ការលះបង់ និងការច្នៃប្រឌិតរបស់ក្រុមការងាររបស់យើង ក៏ដូចជាការជឿទុកចិត្ត និងការគាំទ្ររបស់អតិថិជនរបស់យើងផងដែរ។"

PREG បានឈ្នះពានរង្វាន់ CREA ឆ្នាំ 2023 ដូចខាងក្រោម ៖

• អ្នកអភិវឌ្ឍន៍ប្រចាំឆ្នាំ – Prince Real Estate Group

• គម្រោងអភិវឌ្ឍន៍លក់រាយប្រចាំឆ្នាំ - Prince International Plaza

• Hall of Fame - លោក Edward Lee  នាយកប្រតិបត្តិ PREG

អ្នកឈ្នះពានរង្វាន់ CREA ត្រូវបានវិនិច្ឆ័យ និងដាក់ឈ្មោះដោយក្រុមអ្នកជំនាញក្នុងវិស័យ ដែលបានពិគ្រោះយោបល់សាធារណៈដែលទទួលបានតាមរយៈការបោះឆ្នោតតាមប្រព័ន្ធអ៊ីនធឺណេតផងដែរ។ ដំណើរការវិនិច្ឆ័យត្រូវបានត្រួតពិនិត្យដោយសវនករផ្លូវការ ដើម្បីធានាថាពានរង្វាន់មិនមានការលំអៀងណាមួយ ដោយធ្វើតាមគំរូសកលប្រកបដោយតម្លាភាព សមភាព និងយុត្តិធម៌។

លោក Lee បានបន្ថែមថា "យើងសូមថ្លែងអំណរគុណដល់គណៈកម្មាធិការ អ្នករៀបចំកម្មវិធី និងគ្រប់គ្នាដែលបានគាំទ្រពួកយើងកន្លងមក" ។ "យើងក៏សូមថ្លែងអំណរគុណចំពោះ Realestate.com.kh សម្រាប់ការបង្កើត CREA ដែលបានក្លាយជាស្តង់ដារសម្រាប់បុគ្គល និងក្រុមហ៊ុនអចលនទ្រព្យរបស់ប្រទេសកម្ពុជា"។

អ្នកចូលរួមទាំងអស់ត្រូវបានតម្រូវឱ្យចូលក្នុងប្រភេទពានរង្វាន់ "ល្អបំផុត" ហើយសម្រាប់ពានរង្វាន់ផ្សេងទៀតដែលមានរាយក្នុងសៀវភៅណែនាំ អ្នកចូលរួមអាចជ្រើសរើសចូលរួមក្នុងប្រភេទជម្រើសបន្ថែមផ្សេងទៀតតាមជម្រើសរបស់ខ្លួន។ លក្ខណៈវិនិច្ឆ័យនៃការចូល CREA ត្រូវបានបង្កើតឡើងដោយផ្តោតលើការរួមបញ្ចូលគ្នា ដើម្បីធានាថា ពានរង្វាន់គឺគ្របដណ្តប់លើប្រភេទអាជីវកម្មអចលនទ្រព្យយ៉ាងទូលំទូលាយដែលកំពុងមានប្រតិបត្តិការនៅក្នុងប្រទេស។

បេក្ខជនចុងក្រោយ និងអ្នកឈ្នះពានរង្វាន់ត្រូវបានផ្តល់ត្រា CREA ដ៏មានកិត្យានុភាព ដែលអាចប្រើបានក្នុងគ្រប់សម្ភារៈទីផ្សារ។ អ្នកឈ្នះក៏ទទួលបានពានរង្វាន់ដ៏ស្រស់ស្អាត និងវិញ្ញាបនបត្របញ្ជាក់ពីសមិទ្ធផលផ្ទាល់ខ្លួន ឬក្រុមហ៊ុនរបស់ពួកគេផងដែរ។

អំពី ព្រីនស៍ រៀល អ៊ីស្ទេត គ្រុប (PREG)៖

ព្រីនស៍ រៀល អ៊ីស្ទេត គ្រុប គឺជាក្រុមហ៊ុនអភិវឌ្ឍន៍អចលនទ្រព្យឈានមុខគេ ដែលមានវិសាលភាពអាជីវកម្មលើវិស័យផ្សេងៗជាច្រើនក្នុងប្រទេសកម្ពុជា ដូចជា ការគ្រប់គ្រងអចលនទ្រព្យ សួនកម្សាន្ត ហាងលក់រាយ និងផ្សារទំនើប។ល។ ដោយផ្តោតសំខាន់លើគុណភាព និងការច្នៃប្រឌិត។ PREG បានបង្កើតនូវគម្រោងអចលនទ្រព្យបែបលំនៅឋាន និងពាណិជ្ជកម្មដែលមានគុណភាពខ្ពស់ជាច្រើន ជាអាទិ៍ ព្រីនស៍ អ៊ីនធើណាសិនណល ផ្លាហ្សា ដែលបានឈ្នះពានរង្វាន់គម្រោងអភិវឌ្ឍន៍លក់រាយល្អបំផុតនៅ CREA ។ PREG ប្តេជ្ញាកសាងគម្រោងអភិវឌ្ឍន៍លំដាប់ពិភពលោកប្រកបដោយនិរន្តរភាព ដែលឆ្លើយតបនឹងតម្រូវការនៃកំណើនសេដ្ឋកិច្ចរបស់កម្ពុជា។